Konur eða börn?

Fréttin byrjar á því að lýsa því hvernig Nígerískar konur eru neyddar til að stunda vændi í Evrópu og það svo margendurtekið í fréttinni að um konur sé að ræða.  Í niðurlagi fréttarinnar kemur svo fram að umræddar "konur" eru á aldrinum 12-18 ára!!  Þetta er alvarleg frétt, hvort sem um er að ræða konur eða börn.  Afhverju er hún ekki unnin almennilega?  Mér finnst þetta vera virðingar- og skeytingarleysi gagnvart fórnarlömbunum að vinna svona frétt með hangandi hendi.  Í stað þess að fjalla um þetta á upplýsandi og faglegan máta þá er þessu slegið upp í einhverjum æsifréttastíl:  "Þvingaðar í vændi með vúdú göldrum".  Vá, bara eins og í einhverjum reyfara.  Það gleymist að það eru raunverulegar manneskjur á bakvið þessa frétt, manneskjur sem eru í raun að upplifa allt það sem hér er lýst.  Af hverju eru höfundir þessara frétta aldrei nafngreindir?  Mér finnst sorglega mikið um lélegan fréttaflutning á borð við þennan á þessum fréttamiðlum.  Skammist ykkar bara, fréttaritari og þú sem samþykkir þessa frétt til birtingar.

Þvingaðar í vændi með vúdú göldrum

Athugasemdir

[Nanna Katrín Kristjánsdóttir, 22.5.2009 kl. 18:02]

Nákvæmlega. Veit ekki betur en 12- 18 ára séu börn víðast hvar í Evrópu.

[Lilja Einarsdóttir, 22.5.2009 kl. 19:54]

Nákvæmlega, flott hjá þér að vekja athygli á þessu , þetta sló mig líka.

[Salvör Kristjana Gissurardóttir, 22.5.2009 kl. 20:17]

Tek undir þetta. það hefði átt að standa í fyrirsögninni að þetta væru kynferðisafbrot gagnvart börnum.