Áskorun til Bakkabræðra !

Fyrir hönd allra frið- og mannelskandi einstaklinga heims skora ég á ykkur, sem atvinnurekendur í Kína, að sýna gott fordæmi og sýna kínversku starfsfólki ykkar sömu virðingu og íslensku. 

M.ö.o. fylgja ÍSLENSKUM kjarasamningum þegar samið er um réttindi þessa fólks og sýna þannig gott fordæmi, öllum þeim kínversku atvinnurekendum sem nýta starfsfólk sitt sem þræla.  Þá er ég ekki að tala um að borga þeim SÖMU laun og hér tíðkast, heldur um almenn réttindi, s.s. vinnutíma, orlof, veikindarétt, veikindi barna, uppsagnarfrest og annað slíkt.

Koma svo, Lýður og Ágúst, stígið nú fram og sýnið okkur almúganum, að til eru bissniss menn sem hugsa EKKI BARA um peninga (sbr. REI málið) heldur um hagsmuni heildarinnar.

Annars hef ég ekki raunverulegar áhyggjur af því að þið standið ykkur ekki í því stykkinu, allavega ekki ef eitthvað er að marka þetta hér:  http://www.bakkavor.com/our-people/

Samningar undirritaðir milli ORF og stærsta lyfjafyrirtækis Kína

Hjarta mitt grætur . . . .

 . . . . . fyrir þessum börnum og öllum öðrum börnum veraldar sem þjást hafa.  Megi góður Guð blessa þau öll  .

Inkabörn valin til fórnar ári áður en fórnarathöfnin fór fram

Til hamingju Seltyrningar !

Mikið myndi ég nú vera til í að búa á Setljarnarnesi og fara aftur ein 12 ár og eiga kost á því að VERA HEIMA með litlu börnunum mínum í stað þess að þurfa að setja þau inn á heimili hjá ÓKUNNUGU FÓLKI á meðan beðið er eftir leikskólaplássi.  Tvímælalaust það sárasta sem ég hef þurft að gera um ævina.

Koma svo Reykjavík, Garðabær, Hafnarfjörður, Kópavogur, Mosfellsbær, Akranes og þið allir hinir Íslands bæjir !!!  Svona á að gera þetta

 Ef ég ætti heima á Seltjarnarnesi í dag og væri með lítil börn á þessum aldrei þá myndi ég senda bæjarstjórninni blómvönd með þökk fyrir frábært framtak.

Foreldrar á Seltjarnarnesi fá styrki og greiðslur til dagforeldra afnumdar

Eins og biluð plata . . . . .

Hvað er þetta með tannlæknastéttina, ef ég mætti spyrja?  Tannlæknar sem þorið:  Vinsamlega svarið eftirfarandi færslu:

Hvernig stendur á því að maður getur ekki fengið uppgefið verð á tannlæknaþjónustu í síma ÁÐUR en maður pantar tíma? 

Svörin eru ALLTAF ferlega loðin og óskýr; "Tja, það fer eftir svo miklu, eiginlega ekki hægt að segja til um það".  Og þá segir maður: "ertu til í að gefa mér svona gróflega áætlað, svo maður hafi einhverja hugmynd?"  Og þá kemur: "Tja, það gæti verið svona á bilinu 10-20.000" 

Svo svara líka ALLTAF stelpur eða konur í símann sem geta ekki svarað einni einustu spurningu nema segja: "bíddu aðeins" fyrst og spyrja einhvern annan.  Og þá spyr maður: "Liggur ekki verðskrá frammi hjá ykkur, geturðu ekki bara lesið uppúr henni fyrir mig?"  Og þá er svarað: "Tja, hún er bara svona til viðmiðunar" eða "við erum ekki búin að setja hana fram ennþá"!!

Ég á 3 börn og 1 mann og oft þarf maður að panta tíma fyrir einhvern hjá tannlækni og að sjálfsögðu reynir maður að finna hagstætt verð.  Ekki mætir maður bara hjá næsta tannlækni án þess að hafa huuuuugmynd um hvað djobbið kostar, enda oft um fleiri, fleiri þúsundir að ræða og þá skiptir hver þúsundkall máli.  Og ég er ekki að ýkja þegar ég segi að ofangreindar samræður eiga sér stað við ritara tannlækna í HVERT EINASTA skipti sem ég geri þetta. 

Og alltaf endar það þannig að maður fer til tannlæknis án þess að vita verðið og fær svo ALLTAF áfall þegar kemur að greiðslu.

Þetta er ekki hægt og ég krefst þess að tannlæknar sýni okkur tanneigendum þá virðingu að gefa upp verð á þjónustu sinni, allir aðrir verða að gera það, hvað er það sem gerir ykkur tannlækna svona sérstaka?

Ef einhver getur bent mér á tannlækni sem gefur manni upp verð fyrir þjónustuna án múðurs eða ef einhver tannlæknir er til í að gera mér tilboð í að fjarlægja endajaxl þá þigg ég það með þökkum

p.s. þessi færsla er endurbirting (með breytingum) á færslu sem ég skrifaði um tannlæknavandamálið í júní s.l.  Sjá HÉR!

Fékk dónaleg bréf frá tannlæknunum

Er einu sinni búið að jarða kallinn?

Ég á hreinlega ekki til orð yfir það hvernig mönnum getur látið sér detta það í hug að græða á dauða fólks.  Og mér er bara alveg s*í*sama þó maðurinn hafi verið frægur.  

Ég er semsagt hér að vísa í nýlegt fráfall Pavarotti's og svo nýju geislaplötunnar sem Skífan var að setja í sölu; Pavarotti Forever.  Það þarf sko enginn að segja mér það að þessi plata var í útgáfuferli áður en kallinn gaf upp öndina, þetta er bara græðgi og ekkert annað.  Hann verður ennþá dáinn eftir ár og ég hefði haldið að fólk myndi frekar kaupa disk með hans nafni "í tilefni þess að ár er liðið frá fráfalli Pavarotti's" heldur en á meðann hann er ennþá volgur.

Skamm Skífan