Lygari

Endemsi bull og vitleysa, hann var bara að æfa sig fyrir inntökupróf í Saving Iceland hópinn, gleymdi lyklunum heima og missti þess vegna af prófinu þar sem hann er búinn að vera fastur við tré í 6 daga!  Held samt alveg örugglega að Saving Iceland gefi honum sjéns og leyfi honum að vera memm, hann er alveg pottþétt búinn að sanna sig.  Þetta ættu umhverfisverndarsinnar hér að taka sér til fyrirmyndar.  Þetta heitir sko að "hangin' in there"  ! 

Hlekkjaður við tré í sex daga

Auðvitað er þetta bull . . .

. . . en á meðan ég er öreigi er mér nokk sama.  Ég vil frekar berjast fyrir heimsfriði og svoleiðis smáhlutum frekar en hver fær að sjá álagninguna mína.  Enda ekkert að sjá.

Ætla samt að kíkja á eina manneskju, bara svona fyrir forvitnis sakir eða kannski frekar til að fá staðfestingu á því að ég hef rétt fyrir mér varðandi hana. . . . . .

. . . . . segi ekki meir um það

Er álagning einkamál?

Ég elska Ísland!

Eitt af þeim atriðum sem gerir Ísland svo assgoti magnað og spes.  I love my country  I love you to pieces !!

Á sumrin sakna ég fallegu kyrrðarinnar á dimmu vetrarkvöldi þegar allt er hvítt og bjart af þykkri og mikilli snjóþekju.  Á veturnar sakna ég björtu og lifandi sumarkvöldanna sem aldrei virðast neinn endi ætla að taka. 

Bara hreinlega dýrka þetta land, takk Guð fyrir að gefa mér Ísland

 

Snjóaði í 15° hita svo jörðin varð alhvít

Hótel fyrir farangurslausa

Hef aldrei gist á Hótel Borg og því ekki reynt þetta sjálf en í ljósi nýrra upplýsinga um aðstæður get ég ekki annað en hneykslast: Hvurslags hótel er það eiginlega sem býður gestum sínum upp á að fara inn um hliðardyr eða bakdyr ef það er með farangur?!

Eins leiðinlegt og það er að skipta út gamalli og fallegri hurð þá segi ég nú bara: þó miklu fyrr hefðu verið!  Og eftir alla þessa áratugi, ég er svo hneyksluð að ég næ ekki upp í nefið á mér 

Gömlu viðarhverfihurðinni í inngangi Hótel Borgar skipt út

Það má . . .

. . . alveg reyna þetta.  Þegar maður kemst upp með að tala BARA frönsku allsstaðar í heiminum þá verður maður líka að kanna hvort maður komist ekki upp með að fylgja BARA frönskum lögum allsstaðar í heiminum .

Ég myndi segja að þetta séu fullkomlega eðlileg viðbrögð hjá frönskum manni og er satt að segja hissa á því að við höfum ekki fengið svona fréttir áður!

Franskur ökuþór vísar íslenskum lögum á bug

Halló tannlæknar!

Hvað er þetta með tannlæknastéttina, ef ég mætti spyrja?  Og vonandi að einhver tannlæknir svari mér og útskýri hversvega í ósköpunum maður getur ekki fengið uppgefið verð í síma áður en maður pantar tíma hjá þeim. 

Svörin eru ALLTAF ferlega loðin og óskýr; "Tja, það fer eftir svo miklu, eiginlega ekki hægt að segja til um það".  Og þá segir maður: "ertu til í að gefa mér svona gróflega áætlað, svo maður hafi einhverja hugmynd?"  Og þá kemur: "Tja, það gæti verið svona á bilinu 10-20.000" 

Svo svara líka ALLTAF stelpur eða konur í símann sem geta ekki svarað einni einustu spurningu nema segja: "bíddu aðeins" fyrst og spyrja einhvern annan.  Og þá spyr maður: "Liggur ekki verðskrá frammi hjá ykkur, geturðu ekki bara lesið uppúr henni fyrir mig?"  Og þá er svarað: "Tja, hún er bara svona til viðmiðunar" eða "við erum ekki búin að setja hana fram ennþá"!!

 Ég á 3 börn og mann og oft þarf maður að panta tíma fyrir einhvern hjá tannlækni og að sjálfsögðu reynir maður að finna hagstætt verð.  Ekki mætir maður bara hjá næsta tannlækni án þess að hafa huuuuugmynd um hvað djobbið kostar, enda oft um fleiri, fleiri þúsundir að ræða og þá skiptir hver þúsundkall máli.  Og ég er ekki að ýkja þegar ég segi að ofangreindar samræður eiga sér stað við ritara tannlækna í HVERT EINASTA skipti sem ég geri þetta. 

Og alltaf endar það þannig að maður fer til tannlæknis án þess að vita verðið og fær svo ALLTAF áfall þegar kemur að greiðslu.

Þetta er ekki hægt og ég krefst þess að tannlæknar sýni okkur tanneigendum þá virðingu að gefa upp verð á þjónustu sinni, allir aðrir verða að gera það, af hverju eru tannlæknar svona sérstakir?

Ef einhver getur bent mér á tannlækni sem gefur manni upp verð fyrir þjónustuna án múðurs eða ef einhver tannlæknir er til í að gera mér tilboð í að fjarlægja endajaxl sem er farin að gægjast út en ætlar sér að ryðja niður næsta jaxli við hliðina, þá þigg ég það með þökkum

Halló!

Er ekki lágmark að banka uppá hjá fólki áður en lýst er yfir dauða þess?

 Aulavinnubrögð á heimsmælikvarða

 

Fannst á heimili sínu eftir að hafa verið týnd í fjögur ár

Hér kem ég

Það er víst engin "welcoming committee" á þessum bloggvef svo ég verð bara að gjöra svo vel að bjóða sjálfa mig velkomna.  Svo velkomin ég   Ég er semsagt ný á þessum bloggvef ef það skildi hafa farið framhjá þér . . . . . . 

Verð nú að segja það að mér finnst þetta ferlega leiðinlegt orð; "blogg" og vil hér með óska eftir því að þessi nefnd "hvað-hún-nú-heitir" í Háskólanum eða hvar sem hún nú er og á að finna íslensk orð yfir nýja hluti fari að koma sér að verki og skíri þetta fyrirbrigði sem ég myndi lýsa sem ofurathyglissjúku atferli homo sapiens sem verður að tala og tala þó enginn sé viðmælandinn.  Þetta heilkenni virðist hrjá fólk af öllum "tegundum" meira að segja þá sem hafa atvinnu af því að tala og fá borgað fyrir að vera í sviðsljósinu og láta taka eftir sér; stjórnmálamenn, sjónvarpsfólk og annað slíkt fólk.

Hef sjálf einhvern vott af þessu heilkenni, svo ég læt mig hafa það.  Ég ætla allavega að prófa þetta og sjá hvort ég haldi það út að sinna þessu eitthvað að ráði, ég hef allavega voðalega gaman að því að lesa annara manna blogg og mun eftir sem áður sinna því.