5000 fyrir hverja tíu...

...í bóklegum fögum á lokaprófum, það er sá díll sem ég gaf mínum börnum.  Öll nógu klár til að fá tíur en leggja sig ekki nóg fram að mínu mati svo kannski dugar þetta til. 

Vill borga krökkum fyrir að læra heima

Í alvöru talað . . .

. . .  er þetta nú frétt?

 

„Ekki minn dagur“

Var mig að dreyma . . .

. . .  eða er Mogginn ekki með á nótunum?

"Síðast var framið verslunarrán í Reykjavík í byrjun desember og tókst að hafa uppi á tveim grunuðum ræningjum samdægurs og endurheimta ránsfenginn".

Á milli jóla og nýárs var framið vopnað rán í 11-11 á Grensásvegi; maður með skíðagrímu á höfðinu ógnaði 15 ára afgreiðslustúlku með stórum veiðihníf með göddum á og rændi 10.000 krónum úr kassanum.  Hann komst undan með ránsfenginn og hef ég ekki heyrt fréttir af því að hann hafi náðst.   Eru Moggamenn búnir að gleyma þessum glæp eða var mig bara að dreyma?

Ég bý í þessu hverfi og hef sent börnin mín í þessa hverfisverslun okkar óteljandi sinnum að sækja mjólk og brauð og svoleiðis smotterí.  Þó ég hafi ekki sent þau svona seint að kvöldi þá ákvað ég samt, eftir þetta fyrra rán, að þau færu framvegis út í Hagkaup í Skeifunni eftir smotteríinu ef ég kæmist ekki sjálf.  Fyrir tveimur kvöldum síðan þurfti ég svo sjálf að fara út í búð eftir þessu smotterí og get ekki leynt því að mér var pínu órótt þegar ég renndi upp að búðinni um tíuleytið, varð hugsað til ránsins þarna um daginn.  En svo hugsaði ég með mér að varla yrðu framin tvö rán í sömu búðinni með tveggja vikna millibili og fór bara inn og sinnti mínu erindi. 

Og svo er framið annað vopnað rán í þessari sömu búð, tveimur vikum síðar.  Því miður 11-11 fólk, ég er hætt að versla hjá ykkur, þið munið ekki sjá mig þarna framar.

 

Annars myndi ég vilja benda rannsóknarlögreglumönnum á það að fyrir rúmum mánuði síðan varð ég vitni að því þegar u.þ.b. 5 karlmenn á aldrinum 20-35 ára gengu askvaðandi niður Grensásveginn, fyrir ofan Miklubraut, niður að Kebabhúsinu neðst á Grensásvegi.  Þeir voru ýmist á peysunni eða bolnum og einn var á hlýralausum bol í frostinu.  Tveir þeirra voru vopnaðir löngu stálröri og einhverju öðru barefli úr tré og fas þeirra sýndi greinileg merki þess að þeir hefðu rokið út úr húsi og væru á leið í bardaga, örkuðu áfram, voru æstir og ógnandi.  Við sáum þessa sömu menn svo tíu mínútum síðar fyrir utan Kebab húsið þar sem fjöldaslagsmál voru í uppsiglingu og tveir lögreglumenn reyndu að skakka leikinn.  Þessi "uppsigling" stóð yfir í einhvern hálftíma án þess að til átaka kæmi, svo allt virðist þetta nú hafa endað vel í þetta sinn. 

Athyglisvert þótti mér að við heyrðum enga íslensku í þessum látum, aðeins austur-evrópsk tungumál og við það brá mér óneitanlega.  Eru austur-evrópsk glæpagengi flutt í hverfið mitt?

Tveimur vikum síðar er svo framið vopnað rán í hverfisversluninni minni og tveimur vikum eftir það, enn annað vopnað rán í sömu búðinni. 

Eru einhver tengsl hér á milli? 

Vopnað rán í 11-11 verslun

Jafnvel þó maki sé til staðar . . .

. . . inni á heimilinu vilja börnin samt óskipta athygli manns.  Svo að þessu leytinu til er enginn munur á því að vera einstæður eða í sambúð.  Að vísu getur maður, með "góðri samvisku" skorið niður af tíma sínum með börnunum vitandi það að hitt foreldrið bætir það upp ef það er til staðar en börnin gera ekki slíkan greinarmun svo slík ráðstöfun er aðeins til að friða okkar samvisku.

 

Nauðsyn þess að finna jafnvægi á millli heimilis og einkalífs er jafn mikil, hvort sem maður er einstæður eður ei.  Því miður er það samt of svo að fólk í "mikilvægum" stöðum sker oft verulega niður tíma sinn með fjölskyldu til að sinna vinnunni og réttlætir það með því að starf þeirra sé svo mikilvægt. 

 

Eitt sinn las ég viðtal við ungan bissnes mann sem hafði byggt upp eitt stærsta fyrirtæki landsins á örskömmum tíma og var á meðal þeirra lang efnuðustu.  Stór hluti viðtalsins fór í að ræða um starfið, árangurinn og framtíðarsýnina.  Svo var maðurinn spurður um fjölskyldustöðu og þá kom í ljós að hann átti tvö ung börn, á leikskólaaldri og þó að eiginkonan væri einnig útivinnandi að þá lenti það oftast á henni að koma börnunum í og úr leikskóla og sinna þeim þar sem hans starf var greinilega mun mikilvægara en hennar.  Tjáði hann blaðamanni hversu leiður hann væri yfir því að geta ekki eytt tíma með börnum sínum en svona væri þetta, fórnir þyrftu að færa. 

Að endingu kom svo listi yfir öll áhugamál hans sem hann stundaði reglulega; golf og mótorhjólaakstur (hvorugt áhugamál sem gerir ráð fyrir leikskólabörnum) og einnig kom hann því að að hann og frúin færu reglulega til útlanda saman til að styrkja sambandið.

 

Það sem ég las út úr þessari grein var að börnin hans væru bara hluti af myndinni og að allt annað væri þeim mikilvægara í þessari röð;

1.  starfið

2.  áhugamálin

3.  eiginkonan. 

 

En hann réttætir vanrækslu barna sinna væntanlega með því að mamman veiti þeim svo mikið af tíma sínum að hann kemst þá upp með mun minna.  Aumingja maðurinn að vita ekki betur. 

Erfitt hlutskipti að vera einstæð móðir

Hjálpum þeim

Ef þessir menn eru í raun hryðjuverkamenn og bera raunverulega ábyrgð á þessum árásum sem Condi nefnir afhverju í ósköpunum er ekki búið að ákæra mennina? 

Nú hafa bandaríkjamenn haft saklausa (þartil sekt þeirra sannast) menn í haldi í Guantanamo í allt að 6 ár án þess að einu sinni birta þeim ákærur.  Nú vilja þeir loka búðunum en fara þess á leit við þjóðlönd þessara manna að þeir haldi "göfugu starfi Guantanamo" áfram!!

Bölvuð frekja alltaf hreint í þeim, loksins þegar þeir eru tilbúnir til að taka til í sínum ranni þá er það með þeim skilyrðum að aðrir taki við ruslinu þeirra  Geta þeir ekki annaðhvort birt þessum mönnum ákærur og réttað yfir þeim eða hreinlega bara sleppt þeim!! 

Vill hjálp vegna Guantanamo

Leikfangastríð . . . allt í plati.

Var að rölta í Europris og rak augun í leikfangavélmenni, 3 eða 4 saman í pakka sem litla guttan langaði í.  Verð; 4.990.  Hugsaði með mér að ég gæti kannski fengið það ódýrara annarsstaðar.  Var líka búin að sjá Legokassa hjá vinkonu sem sagðist hafa keypt hann á 4.900, en ég mundi ekki hvar.

Svo ég fór í leiðangur, að gá að þessu dóti í þessum nýju, flottu dótabúðum í því skyni að reyna að gera góð kaup. 

Byrjaði á Just 4 Kids:  Þar fann ég sömu vélmennin á kr. 8.900.  Ódýrt my a*s.  Fann svo sama Legokassa á 7.400.  Glætan, ekki datt mér í hug að kaupa nokkuð í þessari búð.

Fór svo í Toys R Us:  Vélmennin kostuðu það sama og í Just 4 Kids og Legokassinn líka.  Jæja, svo það er bara verðsamráð í gangi hjá þessum nýju aðilum.  Og þeir eru tvöfalt dýrari en aðrir.

Endaði svo í Hagkaup: Var búin að gera fyrirfram ráð fyrir því að leikföngin yrðu dýrari þar.  Vélmennin kostuðu kr. 4.999 og Legokassinn kr. 4.790.  Takk fyrir mig, ég nennti ekki að leita lengra og keypti ALLAR gjafirnar í Hagkaup.

Vil einnig taka það fram að aðrar gjafir sem ég var að leita að; Monopoly, ákveðin Barbie dúkka og annað var allt á sama verði í þessum tveimur nýju risabúðum og a.m.k. 30% ódýrari í Hagkaup og oftast var mun meiri verðmunur.  Það eina sem kostaði það sama alls staðar var þessi blessara Barbie dúkka.

 SKILABOÐ TIL JUST4KIDS OG TOYSRUS:  Ég er bara venjulegur neytandi með þrjú börn og öll þau barnaafmæli sem þessum barnafjölda fylgja.  Ég mun aldrei gera mér ferð í ykkar verslanir nema ég finni ekki það sem ég er að leita SÉRSTAKLEGA að í Hagkaup.  Gangi ykkur svo vel í ykkar verðstríði sem ég mun ekki taka þátt í því ég læt ekki plata mig með þessum markaðssetningar trixum.

Ameríska réttarkerfið í allri sinni dýrð

Þessir kanar eru ennþá í fornöld, hvenær ætla þeir að þroskast?

Fluttur á sjúkrahús rétt áður en sleppa átti honum af dauðadeild

Þetta er kolbrenglað!! Hversu lítils virði eru börnin okkar?

Gott mál að dæma menn til greiðslu hárra miskabóta fyrir að sverta mannorð saklauss fólks.  En hvort er mikilvægara; mannorð okkar eða sálarheill barna okkar?  Þetta réttarkerfi er ekki í lagi og nú KREFST ég þess að einhverjir alþingismenn taki sig til og semji frumvarp til breytinga á hegningarlögum til að hægt sé að dæma kynferðisbrotamenn í ævilangt fangelsi og til greiðslu tífalt hærri miskabóta.  Ef þið eruð byrjuð að fussa yfir því hvað ég er að taka hlutina alvarlega þá skuluð þið skoða neðangreinda hæstaréttardóma og bera saman við þennan dóm sem hér um ræðir.  Það er svo fullt af dómum inni á www.haestirettur.is ef þið viljið skoða þetta betur. 

Hæstaréttardómar:

8. maí 2003: 

X var ákærður fyrir kynferðisbrot gegn þremur stúlkum. Í héraðsdómi var framburður stúlknanna lagður til grundvallar og talið sannað þrátt fyrir eindregna neitun X að hann hefði gerst sekur um þá háttsemi sem hann var ákærður fyrir. Var X því sakfelldur fyrir brot gegn fyrri málslið 1. mgr. 202. gr. almennra hegningarlaga nr. 19/1940 vegna tveggja stúlknanna en síðari málslið sömu greinar vegna þeirrar þriðju. Hins vegar var hann sýknaður af refsikröfu vegna síðast nefnda brotsins þar sem sök hans var fyrnd.

DÓMSORÐ:Ákærði, X, sæti fangelsi í 18 mánuði, en fresta skal fullnustu 15 mánaða af refsingunni og skal sá hluti hennar falla niður að liðnum 3 árum frá uppkvaðningu dóms þessa haldi ákærði almennt skilorð 57. gr. almennra hegningar­laga nr. 19/1940, sbr. 4. gr. laga nr. 22/1955.               

Ákærði greiði Y 700.000 krónur í miskabætur með dráttarvöxtum samkvæmt 1. mgr. 6. gr. laga nr. 38/2001 um vexti og verð­tryggingu frá 19. júlí 2002 til greiðsludags.

Ákærði greiði Z 200.000 krónur í miskabætur með dráttar­vöxtum samkvæmt 1. mgr. 6. gr. laga nr. 38/2001 um vexti og verðtryggingu frá 19. júlí 2002 til greiðsludags.

Ákærði greiði Þ 500.000 krónur í miskabætur með dráttarvöxtum samkvæmt 1. mgr. 6. gr. laga nr. 38/2001 um vexti og verðtryggingu frá 19. júlí 2002 til greiðsludags.

20. febrúar 2003

X var ákærður fyrir kynferðisbrot gegn tveimur barnabörnum sínum. Í héraðsdómi var framburður X talinn mjög ótrúverðugur en barnabarnanna trúverðugur. Var hann því fundinn sekur um þá háttsemi sem honum var gefin að sök og gerð refsing fyrir brot gegn 1. og 2. mgr. 200. gr. og 1. mgr. 202. gr. almennra hegningarlaga nr. 19/1940. Var niðurstaða héraðsdóms um tveggja ára fangelsi og greiðslu miskabóta staðfest.

D ó m s o r ð

Ákærði, X, sæti fangelsi í tvö ár.

Ákærði greiði Y 300.000 krónur með dráttarvöxtum frá 15. janúar 2002 til greiðsludags.

Ákærði greiði Z 600.000 krónur með dráttarvöxtum frá 15. janúar 2002 til greiðsludags. 

19. september 2002

K var ákærður fyrir kynferðisbrot gegn þremur stúlkum. Héraðsdómur taldi að framburður stúlknanna væri trúverðugur en framburður K afar ótrúverðugur. Þegar atvik málsins voru virt í heild þótti með framburði stúlknanna, þrátt fyrir neitun K, vera fram komin sönnun þess að K hefði gerst sekur um þá háttsemi sem honum var gefin að sök. Voru brot hans talin varða við 2. málslið 1. mgr. 202. gr. almennra hegningarlaga nr. 19/1940 og 209. gr. sömu laga. Var dómur héraðsdóms um þriggja mánaða skilorðsbundið fangelsi og miskabætur til stúlknanna því staðfestur.

Dómsorð:Ákærði K sæti fangelsi í 3 mánuði, en fresta skal fullnustu refsingarinnar og hún falla niður að liðnum þremur árum frá uppkvaðningu dóms þessa að telja, haldi ákærði almennt skilorð 57. gr. laga nr. 19/1940, sbr. 4. gr. laga nr. 22/1955.

Ákærði greiði X og Y 300.000 krónur hvorri í miskabætur með dráttarvöxtum samkvæmt 9. gr. laga nr. 38/2001 um vexti og verðtryggingu frá 8. ágúst 2001 til greiðsludags.

Ákærði greiði Z 200.000 krónur í miskabætur með dráttarvöxtum samkvæmt 9. gr. laga nr. 38/2001 um vexti og verðtryggingu frá 8. ágúst 2001 til greiðsludags.

Fær 1,5 milljónir í bætur fyrir meiðyrði

Ja, und?

Hvar er fréttin?

Tæplega 300 athugasemdir við bloggfærslu

Já, en. . .

Hvað með alla þessa skjálftavirkni á suður og suðvesturlandi undanfarnar vikur? 

Er þessi samanlagða skjálftavirkni á öllum þessum svæðum ekki óvenju mikil? 

Er engin tenging þarna á milli? 

Er þessi virkni ekki öll á sama flekanum? 

Hófust þessir skjálftar fyrir sunnan og suðvestan ekki á undan þessari virkni við Upptyppinga? 

 

Ekkert lát á jarðskjálftum